دەنگ نێت

 

بڕیارە سبەینی لە قەزای کفری دژی دادگایی کردنی دو مامۆستای وانەبێژ لە هەولێر، خۆپیشاندان ئەنجامبدرێت، مامۆستایەکی وانەبێژیش دەڵێت: ناڕازین بەدەستگیرکردن و دادگاییکردنی ئەو دو هاوپیشەیەمان.

 

نێچیرڤان مەلا رەئوف، مامۆستای وانەبێژ لەقەزای کفری، بە رادیۆی دەنگی وت: سبەینێ لە پێش بینای بەڕێوبەرایەتی پەروەردەی قەزای کفری، خۆپیشاندان ئەنجامدەدەین، ئەویش بەهۆی دادگایی کردنی ٢ مامۆستای وانەبێژمان.

 

وتیشی: بابەتەکە پەیوەندی بە گردبونەوەیەکەوە هەیە کە لەپێشوتر لە پێش ئەنجومەنی وەزیرانی هەرێمی کوردستان ئەنجامداراوە بەمەبەستی دامەزراندمان، لەوێ ٢ مامۆستامان دەستگیر کران و دواتر درانە دادگا.

 

وەکخۆی ئاماژەی بۆدا، ئەوان ناڕازین لە دەستگیرکردنی ئەو دو مامۆستایەیان تا دەگات بەو دادگایی کردنەی کە بڕیارە سبەینی لەدادگای هەولێر بەڕێوەبچیت، چونکە بە وتەی خۆی: "تەنها داوای دامەزراندنیان کردوە".

 

هەردو مامۆستاکە دانیشتوی پارێزگای سلێمانی و پارێزگای هەولێرن.