دەنگ نێت

 

به‌ڕێوبه‌رى گشتی چاودێرى و گه‌شه‌پێدانى كۆمه‌ڵایه‌تى گه‌رمیان ده‌ڵێت: ئه‌و خاوه‌ن پێداویستییە تایبەتانەی مامەڵەی نوێیان پێشکەشکردوە و ‌ لیژنه‌ى پزیشكیان بینیوه‌، مامەڵەکانیان ته‌واو بوه‌، ئه‌وه‌ى ماوه‌ته‌وه‌ چاوه‌ڕوانى فه‌رمانى حكومه‌تین بۆ ئه‌وه‌ى بڕیار له‌ موچه‌كانیان بده‌ن.

 

ژیلوان عادل، بۆ رادیۆى ده‌نگ وتى: ئه‌و خاوه‌ن پێداویستیانه‌ى كه‌ وه‌زاره‌تى كار و كاروبارى كۆمه‌ڵایه‌تى هه‌رێم بڕیاریدا به‌ تۆماركردنیان، لیژنه‌ى پزیشكیان بینیوه‌ و فایلیان بۆ كراوه‌ته‌وه‌ و هه‌مو رێكاره‌ ئیدارى و یاساییه‌كانیان ته‌واو كردوه‌.

 

وتیشى: ئه‌وه‌ى ماوه‌ته‌وه‌ چاوه‌ڕوانى فه‌رمانى حكومه‌تین بۆ بڕیاردان له‌ موچه‌كانیان.

 

جه‌ختى له‌وه‌شكرده‌وه‌: به‌ كۆى گشتى نزیكه‌ى 5 هه‌زار خاوه‌ن پێداویستى تایبەت له‌ گه‌رمیان بونیان هه‌یه‌ و ناویان تۆماره‌ له‌ لیستى موچه‌دا و موچه‌ وه‌رده‌گرن به‌ هه‌مو توێژ (فیئه)‌كانه‌وه.