دەنگ نێت

 

سه‌رۆكى شاره‌وانى ناحیه‌ى باوه‌نور ده‌ڵێت: ناحیه‌كه‌ له‌ ئێستادا بۆ تاپۆكردنى روپێوى بۆ كراوه‌، له‌ ئێستاشدا له‌ قۆناغى دروستكردنى نه‌خشه‌ى بنه‌ڕه‌تین، بۆ ئه‌و مه‌به‌سته‌ش نوسراومان ئاراسته‌ى شاره‌وانیه‌كانى گه‌رمیان كردوه‌.

 

وه‌حید یوسف، بە رادیۆى ده‌نگی راگەیاند: ناحیه‌ى باوه‌نور نه‌خشه‌ى بنه‌ڕه‌تى نیه،‌ ئه‌وه‌ى هه‌بوه‌ نه‌خشه‌ى كه‌رتیه‌ و ئه‌وانه‌ش پێویستى به‌ نوێكردنه‌وه‌ هه‌یه‌، چونكه‌ زۆر كۆنن، له‌گه‌ڵ ئه‌وه‌شدا له‌ ئێستادا روپێوى ته‌واوى ناحیه‌كه‌ كراوه‌ به‌مه‌به‌ستى تاپۆكردنى و دروستكردنى نه‌خشه‌یه‌كى نوێ كه‌ بۆ ماوه‌ى 2 مانگى خایاند.

 

وتیشى: له‌ ئێستادا نوسراومان ئاراسته‌ى شاره‌وانیه‌كانى گه‌رمیان كردوه‌ داوامان له‌ به‌ڕێوبه‌رایه‌تى نه‌خشه‌دانان كردوه‌ دیزاینێكى نوێ بكرێت بۆ ناحیه‌كه‌ به‌مه‌به‌ستى دروست كردنى نه‌خشه‌یه‌كى تازه‌ بۆى.

 

ده‌شڵێت: ئێستا ناحیه‌كه‌ خۆى له‌ 7 گه‌ڕه‌ك ده‌بینێته‌وه‌.