دەنگ نێت
به‌ڕێوبه‌رى وه‌به‌رهێنانى گه‌رمیان رایگه‌یاند: زۆنى دوه‌مى پرۆژه‌كه‌ى سه‌ر روبارى سیروان ره‌زامه‌ندى مۆڵه‌تى كۆتایی له ئه‌نجومه‌نى وه‌زیران بۆ هاتوه‌ته‌وه، له ئێستادا كۆمپانیا ده‌ستبه‌كار بوه.
پرۆژه‌ى مارینا میكس كه ده‌كه‌وێته سه‌ر روبارى سیروان دابه‌ش بوه به‌سه‌ر 5 زۆندا، له ئێستادا زۆنى دوه‌مى پرۆژه‌كه ره‌زامه‌ندى ئه‌نجومه‌نى وه‌زیرانى بۆ هاتوه‌ته‌وه به‌مه‌به‌ستى ده‌ستبه‌كاربون.
هونه‌ر مه‌حمود، به‌ڕێوبه‌رى گشتى وه‌به‌رهێنانى گه‌رمیان، به رادیۆى ده‌نگى راگه‌یاند: زۆنى دوه‌مى پرۆژه‌كه‌ى سه‌ر روبارى سیروان كه پرۆژه‌یه‌كى میكسه (تێکەڵاوی نیشتەجێبون و بازرگانی و گەشتیارییە) و له‌سه‌ر روبه‌رى 355 دۆنم زه‌وى دروستده‌كرێت، ره‌زامه‌ندى و مۆڵه‌تى كۆتایی له ئه‌نجومه‌نى وه‌زیران بۆ گه‌راوه‌ته‌وه.
هێماى بۆ ئه‌وه‌شكرد: ئه‌و پرۆژه‌یه زه‌وى به‌ڕێوبه‌رایه‌تى تاپۆى گه‌رمیان و بەڕێوبەرایەتی كشتوكاڵى گه‌رمیان و سەرۆکایەتی شاره‌وانى كه‌لارى به‌رده‌كه‌وێت.
جه‌ختى له‌وه‌شكرده‌وه: زه‌وییه كشتوكاڵیه‌كان زه‌وى كۆمه‌ڵێك جوتیارى به‌رده‌كه‌وێت و كۆمپانیاش ره‌زامه‌ندى داوه به‌مه‌به‌ستى قه‌ره‌بوكردنه‌وه‌ى ئه‌و جوتیارانه، بۆ ئه‌م مه‌به‌سته‌ش داوامان له ئیداره‌ى گه‌رمیان كردوه لیژنه‌یه‌ك له ئاستى باڵا پێكبهێنرێت كه به‌ڕێوبه‌رى كشتوكاڵى گه‌رمیان و كه‌لارى تێدا بێت به‌مه‌به‌ستى دیاریكردنى رێكاره‌كانى قه‌ره‌بوكردنه‌وه‌ى ئه‌و جوتیارانه.
- دوایین بابەتەکان
-
هەواڵعەلی حەمەساڵح و غالب محەمەد و رێبوار کەریم دەستگیرکران
-
-
هەواڵكشتوكاڵى گه‌رمیان داوای قەرەبو دەکات بۆ وشكه‌ساڵیی
-
-
هەواڵ10 ساڵە ئەو شوقانە دروستنەکراون کە بڕیاربو بدرێنە کەسوکاری شەهیدان
-
-
هەواڵتۆڕی هاوپەیمانی 19: عوسمان گوڵپی و دڵشاد میرانی ئازاد بكەن
-
-
وتاروەزیری خوێندنی باڵا زانکۆی گەرمیان بەرەو کوێ؟!
-
زۆرترین بینراوەکان
