دەنگ نێت

 

بەڕێوبەرایەتی چاودێری بازرگانی گەرمیان ئاشکرای دەکات کە ناتوانن بەدواداچونی پێویست بۆ هەمو شوێنە بازرگانیەکان و بازاڕ بکەن، دەشڵێت: بەڕێوبەرایەتیمان بەتەنها بەس نیە بۆ چاودێریی کردن.

 

حیکمەت ئەحمەد، بەڕێوبەری بەڕێوبەرایەتی چاودێریی بازرگانی گەرمیان، لە میانەی بەرنامەی رۆژێکی تری رادیۆی دەنگدا، وتی: چاودێری و کاری ئێمە زیاتر لە قەزای کەلارە، چونکە لیژنەکانمان کەمن و تەنها ٤ لیژنەن، بەڵام لەگەڵ ئەوەش بنکەمان لە قەزای کفری و خانەقینیش هەیە.

 

وتیشی: بەپێی پێویست بەڕێوبەرایەتیمان ناتوانێت چاودێری بکات لە قەزای کەلار و ناحیەکانیش، چونکە ئامێر و فەرمانبەرمان کەمە، لەگەڵیشیدا شوێنی بازرگانی گەورە هەن ناتوانرێت بەچڕی چاودێریی سەرجەم کاڵاکانیان بکەین، بەڵکو لیژنەکانمان دەتوانن تەنها نمونە لە چەند کاڵایەکی فرۆشگاکان  وەربگرن.