دەنگ نێت

 

بۆ ماوه‌ى زیاتر له‌ 6 ساڵه‌ پرۆژه‌ى نیشتەجێبونی كه‌لارى نوێ ته‌واو بوه‌ و تاوه‌كو ئێستا تۆڕى ئاوه‌كه‌ى وه‌رنه‌گیراوه‌ته‌وه‌، به‌ڕێوبه‌رى ئاوى كه‌لاریش ده‌ڵێت: سێت و دیزاینه‌كه‌ى له‌لایه‌ن ئێمه‌وه‌ په‌سه‌ند نه‌كراوه‌ و كۆمپانیاى كارى تێدا كردوه‌.

 

سامان ره‌حیم، به‌ڕێوبه‌رى ئاوى كه‌لار بۆ رادیۆى ده‌نگ وتى: پرۆژه‌ى كه‌لارى نوێ كه‌ نزیكه‌ى 6 ساڵ ده‌بێت ته‌واو بوه‌ و له‌لایه‌ن به‌ڕێوبه‌رایه‌تیمانه‌وه‌ وه‌رنه‌گیراوه‌، هۆكاره‌كه‌شى ئه‌وه‌یه‌ كه‌ سێت و دیزینى پرۆژه‌كه‌ له‌لاى ئێمه‌ په‌سه‌ند نه‌كراوه‌ و كه‌ره‌سته‌كانیشى به‌راورد نه‌كراوه‌، هاوكات هیچ شتێكیشى بۆ به‌ڕێوبه‌رایه‌تیمان نه‌هاتوه‌.

 

وتیشى: سه‌ره‌تا ئه‌وه‌ نه‌بێت كه‌ دیزاینه‌كه‌ بۆ ئێمه‌ بهێنن و ئێمه‌ وامان دانابو ئه‌و پرۆژه‌یه‌ ئاوى 24 كاتژمێرى هه‌بێت وه‌ك نمونه‌یه‌كى تازه‌ له‌ شارى كه‌لار، دواتر دیزاینه‌كه‌یان برده‌وه‌ و هیچیان له‌لاى ئێمه‌ نه‌مایه‌وه‌.

 

جه‌ختى له‌وه‌شكرده‌وه‌: به‌ نوسراوى فه‌رمى لایه‌نه‌كانمان ئاگادار كردوه‌ته‌وه‌ كه‌ ئه‌و پرۆژه‌یه‌ له‌لاى ئێمه‌ په‌سه‌ند نه‌كراوه‌ و كۆمپانیا ده‌ستى به‌ كاركردن كردوه‌.

 

هێماى بۆ ئه‌وه‌شكرد: هه‌ر پرۆژه‌یه‌كى یه‌كه‌ى نیشته‌جێبون تۆڕى ئاوه‌كه‌ى له‌لایه‌ن ئێمه‌وه‌ وه‌رنه‌گیرابێته‌وه،‌ ئه‌وه‌  پاره‌ى ئاوى لێ كۆناكه‌ینه‌وه‌.