دەنگ نێت

 

له‌ رۆژى جیهانى كرێكاراندا، سه‌رۆكى لقى گه‌رمیانى سه‌ندیكاى كرێكارانى كوردستان ده‌ڵێت: ره‌وشى كرێكاران له‌ خراپترین دۆخدایه‌، بۆ ئه‌مساڵیش له‌ گه‌رمیان 2 حاڵه‌تى گیان له‌ده‌ستدان تۆاركراوه‌. 

 

1ـی ئایاری هه‌مو ساڵێێك به‌ رۆژى جیهانى كرێكاران دەستنیشانکراوە. ‌له‌م رۆژه‌دا سه‌رۆكى لقى گه‌رمیانى سه‌ندیكاى كرێكارانى كوردستان جه‌خت له‌وه‌ده‌كاته‌وه‌، ره‌وشى كرێكاران به‌ گشتى له‌ خراپترین دۆخدایه‌. 

 

عه‌دنان محه‌مه‌د، بۆ رادیۆى ده‌نگ باسى له‌وه‌كرد: ره‌وشى كرێكاران به‌ گشتى له‌ دۆخێكى خراپدایه‌ و نه‌توانراوه‌ خزمه‌تى باش پێشكه‌ش به‌ كرێكاران بكرێت، ئه‌گه‌رچى به‌ به‌رده‌وامى جه‌خت له‌وه‌ ده‌كه‌ینه‌وه‌ كه‌ ده‌بێت ره‌وشى كرێكاران باشتر بكرێت و شایسه‌ داراییه‌كانیان باش و زیاتر بكرێت.

 

وتیشى: له‌ ماوه‌ى 4 مانگى ئه‌مساڵدا 2 حاڵه‌تی گیان له‌ده‌ستدانى كرێكاران لەکاتی کارکردن لە ناوچەکەمان تۆمارکراوە‌، پارساڵیش 8 حاڵه‌تمان هه‌بوه‌.