ده‌نگ نێت

 

كاركردن له‌ پرۆژه‌ى یه‌كه‌ى نیشته‌جێبوانى فه‌رمانبه‌ران له‌ كه‌لار كه‌ له‌لایه‌ن كۆمپانیاى سه‌گرمه‌وه‌ سه‌رپه‌رشتى ده‌كرێت، به‌رده‌وامى هه‌یه‌، لێپرسراوى یه‌كێتى فه‌رمانبه‌رانى گه‌رمیانیش ده‌ڵێت: %17ـى كاره‌كانى ته‌واوه‌ بوه‌.

 

رزگار وه‌هاب، لێپرسراوى یه‌كێتى فه‌رمانبه‌ران له‌ گه‌رمیان، بۆ رادیۆى ده‌نگ وتى: پرۆژه‌ى یه‌كه‌ى نیشته‌جێبونى فه‌رمانبه‌ران له‌ كه‌لار كه‌ له‌لایه‌ن كۆمپانیاى سه‌گرمه‌وه‌ جێبه‌جێده‌كرێت تاوه‌كو ئێستا له‌ %17ى كاره‌كانى ته‌واو بوه‌، به‌و پێیه‌ش له‌ كۆى 1465 یه‌كه‌ 750 یه‌كه‌ى دروست كراوه‌ به‌ هه‌وره‌بانیشه‌وه‌.

 

وتیشى: له‌ ئێستاشدا 300 بۆ 400 زه‌وى سفر كراوه‌ بۆ ئه‌وه‌ى بناغه‌ى یه‌كه‌كانى تێبكه‌ن، ئه‌مه‌ش له‌ كاتێكدایه‌ تاوه‌كو 6 مانگى تر ده‌بێت هه‌مو یه‌كه‌كان دروست بكرێت.

 

له‌ باره‌ى پرۆژه‌ خزمه‌نگوزارییه‌كانى نێو پرۆژه‌كه‌ هێماى بۆ ئه‌وه‌شكرد: پرۆژه‌ خزمه‌تگوزارییه‌كان تاوه‌كو ئێستا كارى تێدا نه‌كراوه‌، چونكه‌ پرۆژه‌كه‌ قۆناغ به‌ قۆناغه‌.

 

جه‌ختى له‌وه‌شكرده‌وه‌: جیاواز له‌ پرۆژه‌كانى دیكه‌ كه‌ له‌ سنوره‌كه‌ ئه‌نجامدراوه‌ پرۆژه‌ى فه‌رمانبه‌ران قیسته‌كانى به‌ پێشه‌كى 6 مانگ جارێكه‌ و خۆى له‌ 2500 دۆلار "25 گه‌ڵا"‌ ده‌بینێته‌وه‌.