ده‌نگ نێت

 

ئه‌ندامێكى ئه‌نجومه‌نى پارێزگاى سلێمانى ده‌ڵێت: له‌ نزیك ده‌روازه‌ى نێوده‌وڵه‌تى په‌روێزخان له‌لایه‌ن كۆمپانیایه‌كه‌وه‌ به‌بێ هیچ پسوله‌یه‌كى فه‌رمى، رۆژانه‌ بڕى 85 هه‌زار دینار له‌ هه‌مو شۆفێرێكى بارهه‌ڵگرى نه‌وت وه‌رده‌گیرێت.

 

كه‌ریم عه‌لى، بۆ رادیۆى ده‌نگ وتى: به شێوازێكى ‌نایاسایی و له‌ نزیك مه‌رزى نێوده‌وڵه‌تى په‌روێزخان، له‌لایه‌ن كۆمپانیایه‌كه‌وه‌ به‌بێ هیچ پسوله‌یه‌كى حكومى و فه‌رمى رۆژانه‌ بڕى 85 هه‌زار دینار له‌ هه‌مو شۆفێرێكى بارهه‌ڵگرى نه‌وت وه‌رده‌گرێت.

 

وتیشى: به‌پێى به‌ڵگه‌كانمان رۆژانە 300  بارهەڵگری نەوت لەو دەروازەیەوە هاتوچۆ دەکەن، بۆ هه‌ر ئۆتۆمبێلێك ئه‌و بڕه‌ پاره‌یه‌ وه‌رده‌گیرێت.

 

جه‌ختى له‌وه‌شكرده‌وه‌: هه‌مان كۆمپانیا کە ناوەکەی پارێزراوە لامان مەڵبەندێکی کێشیشی (قەپان) بە نایاسایی داناوە.

 

باسی له‌وه‌شكرد ئه‌م دۆسیه‌یه‌ ئاراسته‌ى لایه‌نه‌ یاساییه‌كان ده‌كات به‌مه‌به‌ستى به‌دواداچون و لێپێچینه‌وه‌ى.