دەنگ نێت

 

لە کەلار کەسێک تەقە لە کەسێکی تر دەکات، بەڵام بەری ناکەوێت و کەسێکی تر بریندار دەکات.

 

عەلی جەمال، وتەبێژی پۆلیسی گەرمیان، بە رادیۆی دەنگی وت: سەرلەبەیانی ئەمڕۆ لە لە پشت نەخۆشخانەی شەهید شێرەی نەقیب، سێ کەس بە یەکەوە وەستاون، کەسێک کە ماتۆڕسکیلێکی پێبوە، بە دەمانچە تەقەی کردوە و ویستویەتی یەکێک لەو سێ کەسە بکوژێت، بەڵام بەهەڵە بەر یەکێکی تریان کەوتوە.

 

رونیشیکردەوە: بریندارەکە دو فیشەکی بەرکەوتوە، یەکێکیان بەردەستی و ئەوەکەیان بەر رانی کەوتوە، بۆ چارەسەریش گوازراوەتەوە نەخۆشخانەی فریاکەوتنی کەلار.

 

ئاماژەی بەوەشکرد: روداوەکەش بەهۆی کێشەیەکی 'عەشایەری'یەوە بوە، بەبێ ئەوەی رونکردنەوەی زیاتر بدات.

 

وتیشی: تۆمەتبارەکە هەڵهاتوە و تائێستا دەستگیر نەکراوە.