دەنگ نێت

 

بەپێی پێشبینەکانی کەشناسی شەپۆلێکی باوبۆران بەڕێوەیە، سەرۆکی شارەوانی کەلاریش دەڵێت: ئەوەی پێویست بێت و لە تواناو دەسەڵاتی ئێمەدا بێت ئامادەکاریمان کردوە.

 

ئەکرەم ساڵح، سەرۆکی شارەوانی کەلار، بۆ رادیۆی دەنگ باسی لەوە کرد: کاتێک پێشبینەکانی کەشوهەوا دەکرێت، ئێمە ئامادەکاری خۆمان دەکەین، مەنهۆڵەکان و ڕێڕەوی باراناوەکان پاک دەکەینەوە، تیمی فریاگوزاری دادەنێین لەشوێنەکانا لەکاتی باران بارینا بۆ سەری مەنهۆڵەکان، ئەوساتر و بەربەستانەی لەدەرەوەی شار هەیمانە بۆ رێگریکردن لەباران بەسەریان دەکەینەوە.

 

وتیشی: لە دو رۆژی رابردودا کارمان لەسەر پاککردنەوەی مەنهۆڵەکان کردوە، ئەوەی پێویست بێت و لە تواناو دەسەڵاتی ئێمەدا بێت ئامادەمان کردوە "ئینشائەڵڵا تێدەپەڕێت و هیچ زیانێکی نابێت".