دەنگ نێت

 

دواى 40 رۆژ له‌ده‌ست به‌سه‌راگرتنى 6 ئۆتۆمبێلى بارهه‌ڵگرى گه‌رمیانى مه‌رزى په‌روێزخان له‌ دیوى ئێرانه‌وه‌ به‌هۆى باركردنى بارى قاچاخ كه‌ راگیرابون له‌ ئێستادا به‌ردراون، یه‌كێك له‌ شۆفێرى ئه‌و بارهه‌ڵگرانه‌ش ده‌ڵێت: هیچ سزایه‌ك نه‌دراوین.

 

گه‌یلان ئه‌حمه‌د، شۆفێرى یه‌كێك له‌و بارهه‌ڵگرانه‌ بۆ رادیۆى ده‌نگ باسى له‌وه‌كرد: دواى 40 رۆژ ئۆتۆمبێله‌كانمان كه‌ له‌ دیوی ئێرانه‌وه‌ ده‌ستى به‌سه‌ردا گیرابو نزیكه‌ى هه‌فته‌یه‌ك ده‌بێت بەردراون‌.

 

وتیشى: وه‌ك سزا هیچ سزایه‌ك نه‌دراوین ئێمه‌ ئه‌وه‌ى سزابو بۆ ئێمه‌ 40 رۆژ له‌ كاره‌كانمان وه‌ستاین، به‌ڵكو ئه‌و كه‌سه‌ى كه‌ باره‌كه‌ى به‌ ئێمه‌دا له‌ دادگا وه‌ك سزایه‌ك پاره‌ى داناوه‌ و به‌ كه‌فاله‌ت ئازاد كراوه‌.