دەنگ نێت

 

پۆستی جێگری سەرپەرشتیاری ئیدارەی گەرمیان ٢ ساڵە پڕنەکراوەتەوە، یەکێتیش دەڵێت کاندیدیان بۆ پۆستەکە دیارییکردوە، بەڵام ئامادە نیە ناوەکەی ئاشکرا بکات.

 

پۆستی جێگری سەرپەرشتیاری ئیدارەی گەرمیان بۆ کاروباری کارگێڕی، نزیکەی ٢ ساڵە بەتاڵە، پاش ئەوەی جێگری پێشوی سەرپەرشتیاری ئیدارەی گەرمیان 'سروە محەمەد' پۆستەکەی بەجێهێشت دوای بونی بە ئەندامی ئەنجومەنی نوێنەرانی عێراق.

 

بەوپێیەی پۆستەکە بەرکەوتەی یەکێتییە، دەبێت ئەو حزبە کاندیدێکی بۆ دیاریی بکات.

 

لەمبارەیەوە، میقداد شێخ بەهائەدین، بەرپرسی مەڵبەندی ١١ـی رێکخستنی گەرمیان یەکێتی نیشتمانی، بەبێ ئاماژەدان بە کاتی دانانی کاندیدەکەیان بۆ ئەو پۆستە، بە رادیۆی دەنگی وت: "کاندیدمان بۆ ئەو پۆستە دەبێت"، بەڵام ناوی کاندیدەکەیان و هیچ زانیاریەکی دیکەی لەوبارەیەوە ئاشکرا نەکرد.