دەنگ نێت

 

بەڕێوبەرایەتی کشتوکاڵی گەرمیان دەڵێت: چاوەڕواندەکرێت ئەمساڵ رێگە بە چاندنی  مەرەزە 'برنج' بدرێت کە لە ٢ ساڵی رابردودا قەدەغە کرابو.

 

شادیە حسێن، بەڕێوبەری گشتی کشتوکاڵی گەرمیان، بە رادیۆی دەنگی وت: مەرەزە کە لە زەوی بەراو دەکرێت، پێویستیەکی زۆری بە ئاوە، کە بەهۆی وشکەساڵی و هاوکاریکردنی پارێزگای دیالە بە بەردانەوەی ئاوی پێویست بۆیان، لە دوساڵی رابردو مەرەزەمان قەدەغەکردبو.

 

وتیشی: چاوەڕوان دەکرێت بۆ ئەمساڵ ئەو گرفتەمان نەبێت و رێگە بەجوتیارەکانمان بدەین مەرەزە بکەن، چونکە هەریەک لە ناحیەکانی: قۆرەتو و کۆکس، بەرهەمی باشیان هەیە و ساڵانە نزیکە ٣ هەزار تەن بەرهەمیان دەبێت.

 

بەپێی ئامارەکانی کشتوکاڵی گەرمیان، ٣٠٠ بۆ ٤٠٠ جوتیاری سنورەکە بە مەرەزەکردنەوە سەرقاڵن.