دەنگ نێت

 

بەپێی فەرمانێکی وه‌زاره‌تى دارایی هەرێم، بۆلەمەودوا‌ هه‌ر هاوڵاتیه‌ك خانوى نوێ بكات و پێوه‌رى زیرەکی کارەبای بۆ ببه‌ستێت، بڕى 101 هه‌زار دینارى لێوه‌رده‌گیرێت.

 

ئالان ئه‌ركان، وته‌بێژى به‌ڕێوبه‌رایه‌تى گشتى كاره‌باى گه‌رمیان، له‌مباره‌یه‌وه‌ بۆ رادیۆى ده‌نگ وتى: له‌ 6ـى شوباتەوە وه‌زاره‌تى دارایی نوسراوێکی دەرکردوە و تیایدا بڕیارى داوه‌ هه‌ر هاوڵاتیه‌ك خانوى نوێ دروستبکات و وەکو هاوبه‌شى نوێی کارەبا خۆی بكات، بڕی 101 هەزار و 750 دیناری لێوەردەگیرێت (بڕی 80 هه‌زار دینار بۆ پێوه‌ره‌كه‌ و بڕى 21 هه‌زارو 750 دینار بۆ كرێى به‌ستنه‌كه‌).

 

وتیشى: پێشتر به‌و شێوه‌یه‌ نه‌بوه‌ و هه‌ر پێوه‌رێك به‌سترابێت‌ به‌بێبه‌رامبه‌ر بوه‌.

 

پێوەری زیرەکی کارەبا، لەچوارچێوەی پرۆژەیەکی حکومەتی هەرێم لەسەرانسەری هەرێمی کوردستان بەسترا و شوێنی پێوەری کارەبای کۆنی گرتەوە کە بە "سەعات" ناودەبرا، بۆ بەستنی پێوەرەکەش هیچ پارەیەک لە هاوڵاتیان وەرنەگیرا.