دەنگ نێت

 

به‌نداوى دێوانه‌ له‌ قه‌زاى ده‌ربه‌ندیخان سه‌رڕێژبوه‌ و سه‌رپه‌رشتیارى به‌نداوه‌كانى گه‌رمیانیش ده‌ڵێت: بەهۆی ئەم شەپۆلە بارانبارینەوە، بەنداوەکە نیو مه‌تر له‌سه‌روى خۆیه‌وه‌ سه‌رڕێژ بوه‌.

 

جه‌بار مه‌حمود، سه‌رپه‌رشتیارى به‌نداوه‌كانى گه‌رمیان لە وەزارەتی کشتوکاڵ و سەرچاوەکانی ئاو، بۆ رادیۆى ده‌نگ وتى: به‌نداوى دێوانى له‌ قه‌زاى ده‌ربه‌ندیخان له‌ ساڵى 2020 ته‌واو بوه‌، له‌ ئێستاشدا به‌ نیو مه‌تر له‌ سه‌روى خۆیه‌وه‌ سه‌رڕێژ بوه‌ به‌هۆى ئه‌م شه‌پۆله‌ بارنبارینه‌ى كه‌ ناوچه‌كه‌ى گرتوه‌ته‌وه‌.

 

وتیشى: به‌نداوه‌كه‌ 42 مه‌تر به‌رزه‌ و له‌ سەرەوه‌ش 7 مه‌تر پانیه‌تى.

 

هێماى بۆ ئه‌وه‌شكرد: به‌نداوى دێوانه‌ به‌نداوێكى گه‌وره‌یه‌ و تواناى گلدنه‌وه‌ى 21 ملیۆن مه‌تر سێجا ئاوى هه‌یه.

 

بەپێی ئامارە فەرمییەکان، لەم شەپۆلە بارانبارینەی هەرێمی کوردستانی گرتوەتەوە، سەروی ٥٠ ملیمەتر باران لە قەزای دەربەندیخان باریوە.