دەنگ نێت

 

پڕۆژەی پاڵاوگەی ئاوی قەزای کفری هیچ کارێکی تێدانەکراوە و زیاتر لە ٢ ساڵە وەکخۆی ماوەتەوە، بەڕێوبەری ئاوی قەزاکەش دەڵێت: داوای زیادکردنی پارەکەی دەکەین.

 

پاڵاوگەی ئاوی قەزای کفری هاوشێوەی پالاوگەی ناحیەی باوەنور گرفتی هەیە و تاوەکو ئێستا پڕۆژەکە نەدراوە بە تەندەر و لەلایەن کۆمپانیاوە وەرنەگیراوە بۆ ئەوەی دەست بە دروستکردنی بکرێت.

 

حەمید محەمەد، بەڕێوبەری ئاوی قەزای کفری، بۆ رادیۆی دەنگ باسی لەوەکرد: گرفتی جێبەجێنەکردنی پڕۆژەکە کەمی ئەو بڕە پارەیەیە کە بۆ دروستکردنی پاڵاوگەکە دانراوە و بڕەکەی ٧٩٠ ملیۆن دینارە، بەمەش هیچ کۆمپانیایەک پڕۆژەکە وەرناگرێت.

 

وتیشی: لە ئێستادا نوسراومان کردوە بۆ زیادکردنی بڕی پارەی پرۆژەکە بۆ ملیاریک و ٢٠٠ ملیۆن دینار، بەڵام هێشتا ئاڕاستەی وەزارەتی شارەوانیمان نەکردوە.

 

ئەم کێشەیە لە پاڵاوگەی ئاوی ناحیەی باوەنوریشدا هەیە، بەوەی تائێستا سێ جار تەندەر بۆ پرۆژەکە کراوە و هیچ کۆمپانیایەک ئامادەی وەرگرتنی نیە، بەهۆی کەمی پارەکەیەوە.