ده‌نگ نێت

 

دواى ئه‌وه‌ى رادیۆی ده‌نگ وێنه‌ى حاڵه‌تى تایه‌ سوتاندنى له‌ كه‌لار بڵاوكرده‌وه‌، قایمقامیه‌تى كه‌لار ده‌ڵێت:  چه‌ند كه‌سێك ده‌ستگیركراون.

 

به‌پیی چه‌ند وێنه‌یه‌ك كه‌ په‌یجی رادیۆی ده‌نگ بڵاویكردوه‌ته‌وه‌، تێیدا ده‌رده‌كه‌وێت سوتاندنی پاشماوەی ناوچەی پیشەسازی و له‌نێویشیاندا تایه‌ى كۆن، رۆژانه‌ دوكه‌ڵێكى زۆر دروست ده‌بێت و دانیشتوانی نزیک لەو شوێنەی بێزار کردوە. 

 

له‌باره‌ى رێگرى له‌م حاڵه‌ته‌وه‌، هه‌ردی سه‌ركه‌وت، به‌رپرسی راگه‌یاندن و په‌یوه‌ندیه‌كانی قائیمقامیه‌تی قه‌زای كه‌لار، بۆ رادیۆی ده‌نگ وتی: کۆمەڵێک خەڵکی هەژارن تایە و کۆمەڵێک پاشماوە دەسوتێنن بۆ دەرهێنانی مس و ئاسنەکەی، ئێمە رێگریمان لێکردوە، لە ماوەی رابردودا چەند کەسێک گیراون و بەڵێننامەیان لێوەرگیراوە کە ئیتر دوبارەی نەکەنەوە.

 

وتیشی: حاڵەتی تایە سوتاندن هەیە، بەڵام کەم بوەتەوە و بەرداومیش پۆلیسی دارستان کەلایەنێکی په‌یوه‌ندیداره‌ به‌و پرسه‌وه‌، بەدواداچون ده‌کات.