ده‌نگ نێت

 

ئیدارەی گەرمیان لەبارەی پێکهێنانی ئەنجومەنی شارەوانی کەلاره‌وه‌ ده‌ڵێت: چاوەڕێی وەزارەتی شارەوانین بۆ ئه‌وه‌ی وه‌لاممان بداته‌وه‌ و دواتر له‌ ئه‌نجومه‌نی پارێزگا ده‌نگدانی له‌سه‌ر بكرێت.

 

چۆمان ئەحمەد، بەرپرسی راگەیاندن و پەیوەندیەکانی ئیدارەی گەرمیان، بۆ رادیۆی ده‌نگ وتی: ئێمە وەکو ئیدارەی گەرمیان چاوەڕێی وەزارەتی شارەوانین بۆ رێنمایەکان و میکانیزمی دەستنیشانکردنی ئەو ئەندامانەی ئەنجومەنی شارەوانی دەستنیشان بکرێت. 

 

وتیشی: چاوەڕێی وەڵامی وەزارەتی شارەوانین، بەڵام تا ئێستا وەڵامیان نەداوینەتەوە.

 

باسی له‌وه‌ش كرد: کە کارەکان تەواو بو، دوای ئەوە ئاڕاستەی ئەنجومەنی پارێزگای سلێمانی ئەکرێت بۆ دەنگدان به‌ په‌سه‌ند كردنی ئه‌نجومه‌نه‌كه‌ یاخود نا. 

  

ئیدارەی گەرمیان لە مانگی ئاداری ساڵی پار، ناوی هەریەکە لە بەڕێوبەرانی: کارەبا، تەندروستی، گەشتوگوزار، وەبەرهێنان، هاتوچۆ، نەخشەدانان و ژینگەی گەرمیان، لەگەڵ ناوی بەڕێوبەرانی: شارەوانی، کشتوکاڵ و ئاوی کەلار و هەروەها ناوی نوێنەری: سەندیکای ئەندازیاران، سەندیکای کرێکاران و یەکێتی زانایانی ئاینی لە گەرمیان ناردبو بۆ وەزارەتی شارەوانی بەمەبەستی پەسەندکردنیان وەکو ئەندامی ئەنجومەنی شارەوانی کەلار. 

 

ئه‌م حاڵه‌ته‌ش نیگه‌رانى ئه‌ندامانى ئه‌نجومه‌نى پارێزگاى سلێمانى لێكه‌وته‌وه‌ و به‌ تێپه‌ڕین به‌سه‌ر ئه‌واندا هه‌ژماریان كردبو و جه‌ختیان له‌وه‌كردبوه‌وه‌ كه‌ ده‌بێت ئه‌نجومه‌نى شاره‌وانى له‌ ئه‌نجومه‌نى پارێزگاوه‌ ره‌زامه‌ندى له‌سه‌ر بدرێت.