دەنگ نێت

 

بۆماوه‌ى زیاتر له‌ 2 هه‌فته‌یه‌ نرخى پیاز له‌ بازاڕدا به‌رزبوته‌وه‌ بۆ نزیكه‌ى 2 هه‌زار دینار بۆ یەک کیلۆگرام، به‌ڕێوبه‌رى چاودێرى و بازرگانى گه‌رمیانیش ده‌ڵێت: هۆكاری گرانبونەکە، کەمی بڕەکەیەتی لە بازاڕدا.

 

بۆماوه‌ى زیاتر له‌ 2 هه‌فته‌یه‌ نرخى پیاز له‌ بازاڕدا به‌شێوه‌یه‌كى به‌رچاو به‌رزبوه‌ته‌وه‌ به‌ جۆرێك یه‌ك كیلۆگرام پیاز له‌نێوان 1500 بۆ 2000 دینار مامه‌ڵه‌ى پێوه‌كراوه‌. 

 

حیكمه‌ت ئه‌حمه‌د، به‌ڕێوبه‌رى چاودێرى بازرگانى گه‌رمیان، بۆ رادیۆى ده‌نگ وتى: هۆكارى به‌رزبونه‌وه‌ى نرخى پیاز له‌ بازاڕدا بۆ ئه‌وه‌ ده‌گه‌ڕێته‌وه‌ له‌ وڵاتى ئێرانه‌وه‌ هاورده‌ ناكرێت و راگیراوه‌، كه‌ ئه‌مه‌ش وایكردوه‌ نرخه‌كه‌ى به‌ز ببێته‌وه‌.

 

وتیشى: ئه‌و بڕه‌ پیازه‌ى كه‌ هه‌یه‌ به‌شى ناوخۆى گه‌رمیان پڕناكاته‌وه‌، بۆیه‌ نرخەکەی به‌وشێوه‌یه‌ بەرزە له‌ ئێستادا.