هونه‌ر مه‌حمود، به‌ڕێوبه‌رى گشتی وه‌به‌رهێنانى گه‌رمیان، له‌مباره‌یه‌وه‌ بۆ رادیۆى ده‌نگ وتى: ئه‌م پرۆژەیە هاوشێوەی ماجدی مۆڵی سلێمانیە و لەلایەن کۆمپانیای ماجدییەوە دروست دەکرێت و لە ئێستادا کۆمپانیا لە رێکارەکانی وەرگرتنی زەویەکە دایە.

 

وتیشی: پرۆژەکە لەسەر روبەری 30 دۆنم زەویە و لەئێستادا خەریکی رێکارەکانین بۆ وەرگرتنی زەویەکە. 

 

باسی لەوەشکرد: پرۆژەکە خۆی لە مۆڵێکی فراوان بە تەواوی بەش و خزمەتگوزارییەکانەوە دەبینێتەوە و دەکەوێتە سەر شەقامی پشتێنەیی کەلار.