دەنگ نێت

 

پرۆژه‌یه‌كى نوێى یه‌كه‌ى نیشته‌جێبون به‌ ناوى شاری شاهان له‌ قه‌زاى كه‌لار دروست ده‌كرێت و به‌ڕێوبه‌رى وه‌به‌رهێنانى گه‌رمیانیش ده‌ڵێت: پرۆژه‌كه‌ له‌ 250 ڤێلا پێكهاتوه‌ و زه‌ویشى بۆ ته‌رخان كراوه‌.

 

پرۆژه‌ى شاری شاهان، كه‌ له‌لایه‌ن كۆمپانیای دییەن جێبه‌جێده‌كرێت، له‌سه‌ر روبەرى 54 دۆنم زه‌ویه‌، ئه‌م پرۆژه‌یه‌ ده‌كه‌وێته‌ ناوجەرگەی کەلار، بەرامبەر بینای نەخۆشخانە 100 قەرەوێڵەییە تەواونەکراوەکەی کەلار بە دیوی بەڕێوبەرایەتی ئاسایشی گەرمیان.

 

هونه‌ر مه‌حمود، به‌ڕێوبه‌رى گشتی وه‌به‌رهێنانى گه‌رمیان، له‌مباره‌یه‌وه‌ بۆ رادیۆى ده‌نگ وتى: ئه‌م پرۆژەیە‌ 250 یەکەی نیشتەجێبون لەخۆ دەگرێت، بەشێوەی ڤێلا لە 250م بۆ 400م تێدایە، له‌سه‌ر روبه‌رى 54 دۆنم زه‌وییه.

 

هاوکات ئاماژەی بەوەکرد زەویەکەیان رادەستکراوە و لە پێشدا لە بڕگەی خزمەتگوزاریەکان ئیش دەکەن وەک: شەقامێک دروست دەکەن لەو شەقامەکی کە بە 'جەڵدەکە' ناسراوە بۆ شەقامی پشتێنەیی، هەروەک راگرێک دروست دەکەن بۆ چەمێکی وەرزیی.