دەنگ نێت

 

بەڕێوبەری نەوت و کانزاکانی گەرمیان دەڵێت، لە ٧٢ کاتژمێری داهاتودا ١٠٠ تۆن غاز دەگاتە گەرمیان.

 

یادگار فەتاح، بە رادیۆی دەنگی وت: لەگەڵ وەزارەتی سامانە سروشتییەکان قسەمان کردوە و بڕیارە هەتا ٧٢ کاتژمێری داهاتو، بڕی زیاتر لە ١٠٠ تۆن غاز کە دەکاتە نزیکەی ١٠ هەزار بوتڵە غاز، لە کێڵگەی غازی کۆرمۆرەوە بگاتە گەرمیان و لەرێگەی بریکارەکانەوە بەسەر هاوڵاتییان دا دابەش بکرێت.

 

غازی گەرمیان لە کەرکوکەوە دێت، بەڵام لە سەری ساڵەوە کێشە لە هاتنی بڕە غازەکە دروست بوە، بەمەش قەیرانی غاز لە ناوچەکەدا دروستبوە و نرخی غاز بۆ سەروی ١٥ هەزار بۆ یەک بوتڵە غاز بەرزبوەتەوە.

 

بە وتەی بەڕێوبەری نەوت و کانزاکانی گەرمیان، لە هەوڵی چارەسەرکردنی کێشەکەدان.