دەنگ نێت

 

ماوه‌ی چه‌ند رۆژێكه‌ نرخی غازی ماڵان به‌رز بوه‌ته‌وه‌ و  به‌رپرسێکی حکومیش ‌ده‌ڵێت: بەهۆی نەبونی غازی پێویستەوەیە بەکاریگەری پشوەکانی سەری ساڵ.

 

بە وتەی چەند هاوڵاتییەک، نرخی غازی ماڵان بەرزبونەوەی بەخۆیەوە بینیوە و هەتا ١٥ هەزار بۆ یەک بوتڵە غاز رۆشتوە.

 

سالار مه‌حمود، به‌رپرسی هۆبه‌ نەوتییەکان لە بەڕێوبەرایەتی نه‌وت و كانزاكانی گه‌رمیان، لەمبارەیەوە بۆ رادیۆی ده‌نگ وتی: لەسەری ساڵدا دو کارگە داخرابون لەبەر ئەوەی غازیان پێنەگەشتبو، جاری واش هەیە بریکارێک كه‌ کارگەکەی ئیش ناکات، ئەچێت لە جەلەولا یان خانەقین بە قاچاخ دەیهێنێت و بەگران دەیفرۆشێتەوە.

 

رونیشیکردەوە: نرخی فەرمی غاز بۆ یەک بوتڵ ٨٥٠٠ دینارە، لیژنەکانمان بەردەوام چاودێری بریکارە‌كان ده‌كه‌ن لەسەعات هەشتی بەیانیەوە بۆ یەکی نیوەڕۆ، لەهەرکوێدا سەرپێچیەک ببینن روبەڕوی یاسای دەکەنەوە.