ده‌نگ نێت

 

كاسبكارانى ناوچه‌ى "گه‌نم فرۆشه‌كانى" ناو بازاڕى كه‌لار له‌لایه‌ن شاره‌وانیه‌وه‌ ئاگاداركردنه‌وه‌یان بۆ ده‌نێردرێت به‌مه‌به‌ستى چۆڵكردنی دوكانه‌كانیان، سه‌رۆكى شاره‌وانى كه‌لاریش ده‌ڵێت: قه‌ره‌بو ده‌كرێنه‌وه‌ و شوێنه‌كه‌یان ده‌كرێته‌ پارك.

 

به‌گوێره‌ى كۆپی بانگه‌وازێك كه‌ ده‌ست رادیۆى ده‌نگ كه‌وتوه و شاره‌وانى بۆ دوكاندارێكی ناردوه‌‌، دوكانداره‌كه‌ ئاگاداركراوه‌ته‌وه‌ به‌مه‌به‌ستى چۆڵكردنى دوكانه‌كه‌ى له‌ ماوه‌ى سێ رۆژدا.

 

لایخۆشیه‌وه‌ سه‌رۆكى شاره‌وانى كه‌لار، ئه‌كره‌م ساڵح، به‌ رادیۆی ده‌نگى وت: به‌پێى فه‌رمانێكى وه‌زاره‌تى شاره‌وانى ده‌بێت ئه‌و دوكانانه‌ كه‌ ژماره‌یان 262 دوكانه‌، چۆڵ بكرێن، كاسبكاره‌كانیش به‌پێى بڕیارى 64 و به‌شێوه‌ى موساته‌حه‌، له‌ ناوچه‌ى پیشه‌سازى كه‌لار قه‌ره‌بو ده‌كرێنه‌وه‌ به‌پێدانى دوكان پێیان.

 

وتیشى: ئه‌و هاوڵاتیانه‌ى له‌وێن گرێبه‌ستیان نیه‌ و بۆ ماوه‌ى 10 ساڵ دوكانه‌كانیان پێدراوه‌، كه‌چى زیاتر له‌ 20 ساڵه‌ تێیدان.

 

باسى له‌وه‌شكرد: هه‌رجاره‌ و 10 كه‌سیان ئاگادار ده‌كرێنه‌وه‌ به‌مه‌به‌ستى چۆڵكردن، دواى چۆڵكردنى ته‌واوه‌تیش دوكانه‌كان تێكده‌درێن و شوێنه‌كه‌یان ده‌كرێته‌ پارك.