ده‌نگ نێت
تائێستا سه‌ركردایه‌تى پارتى دیموكراتى كوردستان بڕیاری له‌باره‌ى چاره‌نوسى به‌رپرسی لقی گه‌رمیانى حزبه‌كه‌یه‌وه نه‌داوه، ئه‌مه‌ش له‌چوارچێوه‌ى ئه‌و گۆڕانكارییانه‌ى كه بڕیاره ئه‌و حزبه له رێكخستنه‌كانى دا بیانكات، ئه‌گه‌رچی ده‌نگۆی گۆڕینی له‌ئارادایه.
هه‌فته‌ى پێشوتر، پارتى دیموكراتى كوردستان گۆڕانكاریی له به‌رپرسیارێتى پێنج لقی رێكخستنه‌كانى خۆی ئاشكرا كرد، له‌كاتێكدا چاوه‌ڕێ ده‌كرێت گۆڕانكارییه‌كه هه‌مو لقه‌كان بگرێته‌وه.
ئه‌وه‌ى په‌یوه‌ست بێت به گه‌رمیانه‌وه، تائێستا ئه‌و حزبه هیچ بڕیارێكى به فه‌رمى رانه‌گه‌یاندوه بۆ گۆڕینی ئه‌كره‌م ساڵح له پۆسته‌كه‌ى یاخود لادانى.
ئه‌كره‌م ساڵح، ماوه‌ى زیاتر له 10 ساڵه به‌رپرسی لقی گه‌رمیانه، به‌ڵام ناوبراو ئه‌ندامى كۆمیته‌ى ناوه‌ندى حزبه‌كه‌ى نییه، به‌وپێیه‌ى له كۆنگره‌ى چوارده دا خۆی بۆ ئه‌ندامێتى كۆمیته‌ى ناوه‌ندى هه‌ڵنه‌بژارد.
به‌وته‌ى سه‌رچاوه‌یه‌كى ئاگادار، ناوى ژماره‌یه‌ك كادیری ئه‌و حزبه ده‌هێنرێت بۆ وه‌رگرتنى پۆستى به‌رپرسیارێتى لقی گه‌رمیان له ئه‌گه‌رى دورخستنه‌وه‌ى ئه‌كره‌م ساڵح دا، كه دیارترینیان به‌همه‌ن كاكه‌عه‌بدوڵڵایه، به‌ڵام به فه‌رمی هیچ شتێك له‌وباره‌وه رانه‌گه‌یه‌نراوه.
وتیشی: وه‌رگرتنى پۆستى به‌رپرسی لقی خانه‌قینی پارتى له‌لایه‌ن ئه‌كبه‌ر حه‌یده‌ره‌وه كه ئه‌ندامى كۆمیته‌ى ناوه‌ندى نیه، چانسی مانه‌وه‌ى ئه‌كره‌م ساڵحى له پۆسته‌كه‌دا هێشتوه‌ته‌وه، ئه‌گه‌رچی له نه‌ریتی حزبایه‌تى پارتى دا كه‌م به‌رپرس هه‌بون بۆ ماوه‌یه‌كى وه‌ها درێژ له پۆستی به‌رپرسیارێتى لقێكى رێكخستندا مابێتنه‌وه.
- دوایین بابەتەکان
-
هەواڵلەبارەی داشکاندنی ٢٠٪ـی کرێی خوێندن لەزانکۆ و پەیمانگاکان رونکردنەوە دەدرێت
-
-
هەواڵبەڕێوبەرایەتی چاودێریی بازرگانیی گەرمیان: شوێنکارەکان خۆیان نرخی کاڵاکانیان دیاریی دەکەن
-
-
هەواڵسەرۆکی شارەوانی کەلار: ئاوی چەمی سەیدخەلیلمان بەسەر ٢ رێڕەودا دابەشکردوە
-
-
هەواڵهاتوچۆی گەرمیان: کامێرای یەک خاڵی لەسەر رێگای کەلار- کفری زیاد کراوە
-
-
هەواڵشارەزایەکی پەروەردە لە گەرمیان: پێویستە جگەرەکێشانی مامۆستایان لە ناوەندەکانی خوێندن قەدەغەبکرێت
-
زۆرترین بینراوەکان
