ده‌نگ نێت

 

به‌ڕێوبه‌رى گشتى كاروبارى مین له‌ گه‌رمیان ده‌ڵێت: له‌مساڵدا 8 روداى ته‌قینه‌وه‌ى مین به‌ هاوڵاتیاندا تۆماركراوه‌ كه‌ 3 له‌و كه‌سانه‌ گیانیان له‌ ده‌ست داوه‌.

 

جه‌لال شێخ جه‌عفه‌ر، بۆ رادیۆى ده‌نگ وتى: 8 روداى ته‌قینه‌وه‌ى مین به‌ هاوڵاتیاندا تۆماركراوه‌ له‌ مساڵدا كه‌ 3 له‌و كه‌سانه‌ گیانیان له‌ ده‌ست داوه‌ و 5 دیكه‌شیان برینداربون.

 

وتیشى: به‌هۆى نه‌بونى ئۆتۆمبێله‌وه‌ نه‌مانتوانیوه‌ هۆشیارى پێویست بده‌ین به‌ هاوڵاتیان، وه‌ك به‌ڕێوبه‌رایه‌تیمان پێویستمان به‌ 18 ئۆتۆمبێله‌، كه‌چى 1 دانه‌مان هه‌یه‌ و 4 دانه‌شمان به‌ كرێ بۆ گیراوه‌.

 

ئه‌مه‌ له‌ كاتێكدایه‌ ساڵانه‌ حكومه‌تى هه‌رێم له‌ رێگه‌ى ته‌نده‌رینه‌وه‌ ئۆتۆمبێل بۆ فه‌رمانگه‌ حكومیه‌كان دابین ده‌كات و بۆیان ده‌كڕێت، به‌ڵام بۆ ماوه‌ى 3 ساڵه‌ ئه‌م كێشه‌یه‌ له‌ به‌ڕێوبه‌رایه‌تى گشتى كاروبارى مین له‌ گه‌رمیان به‌رده‌وامى هه‌یه‌ و ئۆتۆمبێلیان بۆ دابین نه‌كراوه‌، ئه‌مه‌ش به‌پێی راپۆرتێكى پێشوى یه‌كه‌ى چاودێری حكومه‌تى خۆجێی گه‌رمیان، وایكردوه‌ به‌شێكى زۆرى كاره‌كانیان "په‌كى بكه‌وێت".