دەنگ نێت

 

لێپرسراوى هۆبه‌ى سامانى ماسى له‌ به‌ڕێوبه‌رایه‌تى كشتوكاڵى گه‌رمیان ده‌ڵێت: له‌ سنورى گه‌رمیان 46 پرۆژه‌ى مۆڵه‌تپێدراوى ماسیمان هه‌یه‌، كه‌ له‌سه‌ر روبه‌رى 250 دۆنم ئاوییه‌.

 

سۆران حسێن، به‌ رادیۆى ده‌نگى راگه‌یاند: "ئێمه‌ 2 جۆر پرۆژه‌مان هه‌یه‌، ئه‌وانیش مۆڵه‌تپێدراو و بێ مۆڵه‌ت، ئه‌وانه‌ى كه‌ مۆڵه‌تدارن خۆى له‌ 46 پرۆژه‌ى ده‌بینێته‌وه‌ له‌ گه‌رمیان، روبه‌رى ئاوى ئه‌م پرۆژانه‌ش خۆى له‌ 250 دۆنم ئاوى ده‌بینێته‌وه‌.

 

وتیشى: ئه‌م 46 پرۆژه‌یه‌ پێكهاتوه‌ له‌ 97 حه‌وز، چونكه‌ هه‌ر پرۆژه‌یه‌ك و چه‌ند حه‌وزێكى هه‌یه‌.

 

سه‌باره‌ت به‌ پرۆژه‌ بێمۆڵەتة‌كان، لێپرسراوی هۆبه‌ى سامانى ماسى له‌ كشتوكاڵى گه‌رمیان ئاماژه‌ى به‌وه‌كرد: ئه‌و پرۆژانه‌ى كه‌ به‌ زیاده‌ڕه‌وى دروست كراون له‌ ئێستادا له‌ كۆكردنه‌وه‌ى داتاین، بۆ ئه‌و مه‌به‌سته‌ش داوامان كردوه‌ له‌ به‌رێوبه‌رایه‌تیه‌ كشتوكاڵیه‌كانى سنوره‌كه‌ بۆ ئه‌وه‌ى بزانین ئه‌و پرۆژانه‌ ژمارەیان چه‌ندن.