دەنگ نێت

 

سه‌رۆكى زانكۆى گه‌رمان ده‌ڵێت: به‌هۆى نه‌بونى خواست له‌سه‌ریان، به‌شه‌كانى كۆلێژه‌كانى ئێوارانى زانكۆكه‌ بۆ ماوه‌ى 2 ساڵ‌‌ هه‌ڵدەپەسێنرێن.

 

د. فه‌رهاد قادر، سه‌رۆكى زانكۆى گه‌رمیان، بۆ رادیۆى ده‌نگ وتى: له‌ زانكۆى گه‌رمیان 4 كۆلێژى ئێوارانمان هه‌یه‌ 2 دانه‌ى له‌ قه‌زاى كه‌لاره‌ و 2 دانه‌شى له‌ قه‌زاى خانه‌قینه‌، ئه‌وانه‌ى قه‌زاى كه‌لار به‌هۆى نه‌بونى خواست له‌سه‌ریان و هەروەها بەوهۆیەشی کە به‌شێكى زۆرى مامۆستایان له‌ خوێندنى دكتۆران، بۆ ماوه‌ى 2 ساڵ به‌و به‌شانه‌ى كه‌ له‌و كۆلێژه‌دان هه‌ڵپه‌سێردراون.

 

هێماى بۆ ئه‌وه‌شكرد: ئه‌وانه‌شى كه‌ خواستیان له‌سه‌ر به‌شه‌كانى كۆلیژه‌كان هه‌یه‌ مه‌رجه‌كانیان تێدا نیه‌. 

 

وتیشى: به‌ڵام ئه‌وانه‌ى قه‌زاى خانه‌قین به‌ردەوامیان هه‌یه‌ و خوێندكارانى قه‌زاى كه‌لاریش ده‌توانن سودى لێببینن، ئه‌گه‌رچى هه‌ندێك له‌ به‌شه‌كانى ئه‌وانیش خواست له‌سه‌رى زۆر كه‌مبوه‌ته‌وه‌.