دەنگ نێت

 

بڕیاره‌ له‌ رۆژى پێنچ شه‌مه‌ 20ى مانگ ده‌ست به‌ دابه‌شكردنى نه‌وتى سپى بكرێت به‌سه‌ر هاوڵاتیاندا له‌ ناوچه‌ شاخاویه‌كان‌، به‌ڕێوبه‌رى نه‌وت و كانزاكانى گه‌رمیانیش ده‌ڵێت: لێرەش دابەش دەکرێت و هه‌مو ئاماده‌كارییه‌كمان كردوه‌.

 

ئه‌و بڕە‌ نه‌وته‌ى كه‌ دابین كراوه‌ له‌لایه‌ن حكومه‌ته‌وه‌ بۆ ناوچه‌ شاخاویه‌كانى سنورى پارێزگاى سلێمانى و پارێزگاى هه‌ڵه‌بجه‌ و ئیداره‌ سه‌ربه‌خۆكانى گه‌رمیان و راپه‌رین، 19 ملیۆن و 600 هه‌زار لیتره‌. 

 

یادگار فه‌تاح، به‌ڕێوبه‌رى به‌ڕێوبه‌رایه‌تى نه‌وت و كانزاكانی گه‌رمیان، بۆ رادیۆى ده‌نگ وتى: له‌ رۆژی پێنجشه‌مه‌ (20ى مانگه‌وه‌) ده‌ست به‌ دابه‌شكردنى نه‌وتى سپى ده‌كرێت به‌سه‌ر هاوڵاتیاندا و پرۆسه‌كه‌ش له‌ ناوچه‌ شاخاویه‌كانى وه‌ك ناحیه‌ى شێخ ته‌ویل و ناحیه‌ى مه‌یدان ده‌ست پێده‌كات.

 

وتیشى: هه‌ر خێزانێك بڕى 200 لیتر نه‌وتى سپى پێده‌درێت به‌ بڕى 100 هه‌زار دینار، ئەم نرخەش‌ له‌لایه‌ن حكومه‌تى هه‌رێمه‌وه‌ پاڵپشتى ده‌كرێت به‌وپێه‌ى حكومه‌تى هه‌رێم خۆى له‌ %65ـی نرخەکەی گرتوه‌ته‌ ئه‌ستۆ و له‌ %35ـی پارەکەیشی‌ له‌ هاوڵاتیان وه‌رده‌گیرێت. 

 

جه‌ختى له‌وه‌شكردوه‌: هه‌مو ئاماده‌كارییه‌كمان كردوه‌ بۆ ده‌ست كردن به‌ پرۆسه‌كه‌.