دەنگ نێت

 

 بەڕێوەبەری گشتی چاودێری و گەشەپێدانی کۆمەڵایەتی گەرمیان لەسەر پشکی بزوتنەوەی گۆڕان گۆڕدرا و بەرپرسێکی تر لەجێگەکەی دانرا.

 

فەیسەڵ حاجی حەسەن، باژێڕوانی مەکۆی کەلاری بزوتنەوەی گۆڕان، بە رادیۆی دەنگی وت: ئەمڕۆ ژیلوان عادل شوکر لەجێگەی دەرون عومەر، وەکو بەڕێوبەری گشتی چاودێری و گەشەپێدانی کۆمەڵایەتی گەرمیان دەستبەکار بو.

 

ئەمەش دوای ئەوەی دەرون عومەر پێش شەش ساڵ و لەچوارچێوەی رێککەوتنی یەکێتی و گۆڕان، پۆستەکەی وەرگرت.

 

ژیلوان عادل شوکر، پێشتر بەڕێوبەری ناحیەی سەرقەڵا- کفری بوە و دواتر بوە بە بەڕێوبەری ناحییەی شێخ تەویل- کەلار لەسەر پشکی بزوتنەوەی گۆڕان.

 

بزوتنەوەی گۆڕان لەچوارچێوەی حکومەتی خۆجێی گەرمیان پۆستی جێگری سەرپەرشتیاری ئیدارەی گەرمیان و قائیمقامی قەزای کەلار و بەڕێوبەرانی گشتی: کشتوکاڵ، تەندروستی و چاودێریی کۆمەڵایەتی و هەروەها بەڕێوبەری مەرزی پەروێزخان و بەڕێوبەری سایلۆی گەرمیان و بەڕێوبەری ناحیەکانی سەرقەڵا و شێخ تەویلی لایە.