دەنگ نێت

 

له‌ ئێواره‌ى دوێنێوه‌ له‌لایه‌ن هێزێكى ئاسایشه‌وه‌ 2 په‌یامنێرى ده‌زگاى ئاژانسى رۆژنیوز و كامێرامانێكى كۆمپانیاى چه‌تر لە سلێمانی ده‌ستگیركراون، تاوه‌كو ئێستا ئازاد نه‌كراون.

 

به‌رهه‌م له‌تیف، رۆژنامه‌نوس له‌ ئاژانسى رۆژنیوز، له‌مباره‌یه‌وه‌ به‌ رادیۆى ده‌نگى راگه‌یاند: "ئێواره‌ى دوێنێ تیمێكى ئاژانسى رۆژنیوز و كۆمپانیاى چه‌تر له‌ دواى روماڵكردنى مه‌راسیمى شه‌هید شوكرى سه‌رحه‌د لە سلێمانی، هێزێكى ئاسایشه‌وه‌ هه‌وڵیانداوه‌ پێداویستیه‌ رۆژنامه‌وانیه‌كان له‌ په‌یامنێرانمان وه‌ربگرن، بەڵام ئه‌وان رازى نه‌بون، دواتر هه‌ریه‌كه‌ له‌ (بۆتان گه‌رمیانى و بڕوا ئه‌سعه‌د) په‌یامنێرانى ئاژانسى رۆژنیوز و محه‌مه‌د عه‌زیز كامێرامانى كۆمپانیاى چه‌تر بۆ به‌رهه‌مهێنانى كارى میدیایی، ده‌ستگیركراون و تاوه‌كو ئێستا ئازاد نه‌كراون.

 

وتیشى: له‌گه‌ڵ رێكخراوه‌كان و به‌رپرسان و كونسوڵخانه‌كان له‌سه‌ر خه‌تین بۆ ئازاد كردنیان.