دەنگ نێت

 

وته‌بێژى پۆلیسى گه‌رمیان ده‌ڵێت: پێویسته‌ یاساى خراپ به‌كارهێنانى ئامێره‌كانى په‌یوه‌ندى كردن هه‌موار بكرێته‌وه‌، چونكه‌ 14 ساڵ پێش ئێستا ئه‌و یاسایه‌ كه‌ ده‌رچوه‌ ته‌نها مۆبایل هه‌بوه‌. 

 

وته‌كانى وته‌بێژى به‌رێوبه‌رایه‌تى پۆلیسى گه‌رمیان له‌ كاتێكدایه‌ له‌ 6 مانگى سه‌ره‌تاى ئه‌مساڵدا 101 حاڵه‌تى خراپ به‌كارهێنانى ئامێره‌كانى په‌یوه‌ندى كردن تۆماركراوه‌ كه‌ تێیدا خراپ به‌كارهێنانى تۆڕه‌ كۆمه‌ڵایه‌تیه‌كانیش هه‌یه‌. 

 

عه‌لى جه‌مال قه‌دورى، وته‌بێژى به‌ڕێوبه‌رایه‌تى پۆلیسى گه‌رمیان له‌مباره‌یه‌وه‌ بۆ رادیۆى ده‌نگ وتى: "پێویسته‌ یاساى خراپ به‌كارهێنانى ئامێره‌كانى په‌یوه‌ندى كردن هه‌موار بكرێته‌وه‌، چونكه‌ 14 ساڵ پێش ئێستا ئه‌و یاسایه‌ كه‌ ده‌رچوه‌ ته‌نها مۆبایل هه‌بوه‌، له‌ ئێستاشدا، تۆڕە ‌كۆمه‌ڵایه‌تیه‌كان هه‌یه‌". 

جه‌ختى له‌وه‌شكرده‌وه‌: هه‌ره‌شه‌كردنێك یان قسه‌یه‌كى نه‌شیاو و هاكێك هه‌مان ماده‌ ده‌یان گرێته‌وه‌. 

 

وتیشى: ئه‌گه‌ر هه‌موار بكرێته‌وه‌ و وردتر باسى كه‌یسه‌كان بكات و سزاكانیان دیارى بكات، ره‌نگه‌ باشتر بێت.