دەنگ نێت

 

پۆلیسی سلێمانی بڵاویکردەوە، توانیویانە کەسێک دەستگیر بکەن کە ساڵی 2010 کەسێکی لە کەلارەوە هێناوەتە سلێمانی و کوشتویەتی.

 

لە راگەیەنراوێکی پۆلیسی سلێمانی دا هاتوە: “ڕۆژی 16-3-2010 لەگەڕەكی سەرچنار لە شاری سلێمانی كەسێك كوژرا و تۆمەتباری ڕوداوەكە هەڵات، هێزەكانی پۆلیس لێكۆڵینەوەكانی دەستپێكردوو دوای ئەوەی زانیاری لەسەر شوێنی تۆمەتباردەستكەوت كە لە دەرەوەی وڵاتەوە هاتۆتەوەو دانیشتوی قەزای فەلوجەیە، سەرەنجام توانرا ئەمڕۆ 22-8-2022 تۆمەتبار بەهاوكاری بەڕێوەبەرایەتی پۆلیسی گەرمیان دەستگیربكرێت”.

 

دەشڵێت: دەستگیرکراوەکە دانی ناوە بەتاوانەكەیدا كە بە پیلان كوژراوی لە قەزای كەلارەوە هێناوەتە سلێمانی و كوشتویەتی دواتر بەرەو ئەوروپا هەڵاتوە.

 

لە ئێستادا تۆمەتبارەکە کە تەمەنی 32 ساڵە، بەبڕیاری دادوەر و بەپێی ماددەی 406 لەیاسای سزادانی عیراق راگیراوە.