دەنگ نێت

 

دادگای کەتنی هەولێر ئازادکردنی بە مەرجی سزادراوانی بادینان و شیلادزێ جارێکی دیکە  دواخست، ئەمەش بەبیانوی نەناردنی هەندێک دۆکۆمێنت و راپۆرت.

 

کامەران عوسمان، چاودێری مافەکانی مرۆڤ، بە رادیۆی دەنگی وت: لە کاتێکدا چاوەڕێمان دەکرد دادگای کەتنی هەولێر دوێنێ بڕیاری ئازادکردنی سەرجەم دەستگیرکراوانی بادینان بدات کە ژمارەیان ١١ کەسە، بەڵام بەبیانوی نەناردنی ڕاپۆت لە خانەی چاکسازی گەورانی هەولێر و دەستی دەستی پێکردنیان، ئازاد نەکران.

 

دەشڵێت: وتەی ئێمە ئەوەیە کە دەسەڵاتێکی حزبی بەهێزتر لە دەسەڵاتی دادگا، بڕیار دەدات.

 

ئەمە لەکاتێکدایە بەشدار حەسەن پارێزەری دۆسیەی ئەو دەستگیرکراوانە بە رادیۆی دەنگی وت: دەبو رۆژی چوارشەمە بڕیاری لەبارەی ئازاد کردنیان بدرێت، بەڵام بەهەمان بیانو دواخراوە بۆ پێنجشەمە.

 

ئەو دەستگیرکراوانە باس لەوە دەکەن بڕیاری ئازادکردنی بە مەرج دەیانگرێتەوە و دەبو رۆژی ١٥ـی حوزەیرانەوە ئازاد بکرایەن، بەڵام ئازاد نەکراون، لە کاردانەوەشدا دەستیان داوەتە مانگرتن.