ده‌نگ نێت

 

تەرمى خوشك و برایه‌ك لەقەزاى خانەقین دۆزرایەوە و بەرێوبەرى پۆلیسى قەزاكه‌ش دەڵێت: "نەکوژراون، بەڵکو گیانیان لەدەستداوە". 

 

دیار شه‌وكه‌ت، بەرێوبەرى پۆلیسى قەزاى خانەقین، بۆ رادیۆى دەنگ وتى: ئەو دو تەرمەى دۆزراوەتەوە خوشك و بران، کوڕەکە نه‌خۆشی "داون سیندرۆم"ـى هه‌بوه‌، كچه‌كه‌ش نەخۆش بوە و لەسەر جێگا بوە، دواى سەردانیکردنى خزمێکیان زانراوە کە مردون. 

 

باسى لەوەش کرد: كچەکە له‌دایكبوى ١٩٦٦ـه و كوڕه‌كه‌ش له‌دایكبوى ١٩٧٧ـه‌، سەرەتا خوشكه‌كه‌ گیانی لەدەستداوە و پاشان براكە. 

 

به‌ڕێوبه‌رى پۆلیسی خانه‌قین، وتیشى: هیچ نیشانەیەکی کوشتن و ئەشکەنجەدانیان پێوە نیە و پێناچێت كوژرابن، به‌ڵكو گیانیان لەدەستداوە، لە ئێستاشدا تەرمەکانمان رەوانەی پزیشکی دادوەری کردوە بۆ توێكاری زیاتر.