ده‌نگ نێت

 

وشکەساڵی لەسنوری گەرمیان کاریگەری کردوه‌تە سەر کوالێتی ئاوی ئه‌و بیرانه‌ى كه‌ ئاوه‌كانیان بەسەر ماڵاندا دابه‌ش ده‌كرێت، به‌و هۆكاره‌شه‌وه‌ تائێستا لەقەزای  کەلار 4 بیر خراپ بون.

 

دەرئەنجامی دو ساڵى له‌سه‌ر یه‌كى وشکەساڵی لەسنوری گەرمیان، تەنها زیانی بە کشتوکاڵ و جوتیاران نە گەیاندوە، بەڵکو کاریگەری کردوەتە سەر زۆر بواری تریش، یه‌كێك له‌وانه‌ش: بیره‌كانى ئاوى خواردنه‌وه‌یه‌ كه‌ وه‌كو سه‌رچاوه‌ى ئاوى ماڵان له‌ هه‌ندێك له‌ گه‌ڕه‌كه‌كاندا پشتى پێده‌به‌سترێت.

 

بەڕێوبەری به‌ڕێوبه‌رایه‌تى ئاوی کەلار، سامان رەحیم، له‌وباره‌وه‌ به‌ رادیۆی دەنگی راگەیاند: ئەو کاریگەرییە لای ئەوان دەرکەوتوە، بەجۆرێک ئاوی 4 بیر بەوهۆیەوە کوالێتیان خراپ بوە و تێکچون.

 

وتیشی: بەو هۆیەوە 3 بیریان داخراون.

 

پێشتریش به‌ڕێوبه‌رى ئاوى كه‌لار ئه‌وه‌ى بۆ رادیۆی ده‌نگ ئاشكرا كردبو كه‌ راده‌ى پشت به‌ستنیان به‌ ئاوی بیر كه‌مكردوه‌ته‌وه‌ و له‌ ساڵی پاره‌وه‌ له‌ كۆى 32 گه‌ره‌كى قه‌زاكه‌ 19یان له‌ رێگه‌ى روباری سیروانه‌وه‌ ئاویان بۆ دابین ده‌كرێت و ته‌نها 13 دانه‌یان به‌ بیری ئیرتیوازی ئاویان پێده‌درێت.