ده‌نگ نێت
پاش تێپه‌ڕینی دو رۆژ به‌سه‌ر روداوى هێرشكردنه سه‌ر ئۆتۆمبیلێكى مه‌ده‌نی له‌كه‌لار له‌لایه‌ن درۆنى توركیه‌وه، هه‌ریه‌كه له حكومه‌تى هه‌رێم و ئیداره‌ى گه‌رمیان هیچیان له‌سه‌ر ئه‌و بابه‌ته نه‌وتوه.
پاش روداوی تەقاندنه‌وه‌ى ئۆتۆمبێلێک لە قەزای کەلار له رێگه‌ى درۆنێكى توركیه‌وه كه بوه هۆی گیان له‌ده‌ستدانى 4 كه‌س و برینداربونى كه‌سێكى دیكه، تائێستا نه سەرۆکایه‌تی حکومەت و نه وەزارەتی ناوخۆی هەرێم، نه ئیداره‌ى گه‌رمیان و قایمقامیه‌تى قه‌زاكه‌ش، هیچیان له‌سه‌ر روداوه‌كه نه‌وتوه و ئیدانه‌یان نه‌كردوه.
ئه‌مه‌ش له‌كاتێكدایه له سه‌روبه‌ندى روداوه‌كه‌دا، جێگری سه‌رۆكى حكومه‌ت، قوباد تاڵه‌بانى، راگه‌یه‌نراوێكى له په‌ڕه‌ى خۆی له فه‌یسبوك بڵاوكرده‌وه دژ به "ده‌ستدرێژیكردن و به‌زاندنى سه‌روه‌ریی خاكی عێراق و هه‌رێمى كوردستان"، به‌بێ ئه‌وه‌ى له ناوه‌ڕۆكدا به رونى ئاماژه به هێرشه‌ى كه‌لار بكات.
هاوكات ئیداره‌ى گه‌رمیان كه به‌رزترین یه‌كه‌ى ئیداری ناوچه‌كه‌یه، له‌سه‌ر روداوه‌كه نه هیچی وتوه، نه هیچ زانیارییه‌كیشی خستوه‌ته‌ڕو.
له‌لایه‌كى دیكه‌وه ئیداره‌ى گه‌رمیان و ده‌زگا ئه‌منیه‌كان له‌باره‌ى روداوه‌كه‌وه بێده‌نگیان كردوه و هیچ زانیارییه‌ك ناخه‌نه‌ڕو، له كاتى روماڵكردنى هێرشه‌كه‌شدا رێگریه‌كى زۆریان له رۆژنامه‌نوسان كردوه و ته‌نانه‌ت ده‌ستیان به‌سه‌ر كه‌ره‌سته‌ى رۆژنامه‌نوسانیش دا گرتوه.
- دوایین بابەتەکان
-
هەواڵبەڕێوبەرایەتی رێگاوبانی گەرمیان: پرۆژەی رێگای گوندی سەید خەلیل لەسەر بودجەی ئێمە نییە
-
-
هەواڵلهمساڵدا 179 راوچی لە گەرمیان ده‌ستگیركراون
-
-
هەواڵئەو کۆمپانیایەی جلی بۆ قوتابیانی قوتابخانەکەی کەلار دروستکردوە رونکردنەوە دەدات
-
-
هەواڵلە قوتابخانەیەکی کەلار جلی "کوالێتی خراپ" دەدرێتە قوتابی
-
-
هەواڵخاوهنى نوسینگه‌یه‌كى خانوبه‌ره: بوارى خانوبه‌ره له‌گه‌رمیان زۆر سست بوه
-
زۆرترین بینراوەکان
