ده‌نگ نێت

 

داهاتى زیاتر له‌ 2 ساڵى به‌ڕێوبه‌رایه‌تى باجى ده‌رامه‌تى گه‌رمیان زیاتره‌ له‌ 10 ملیار دینار‌، ئه‌مه‌ش به‌پێى وته‌ى ئه‌ندامێكى ئه‌نجومه‌نى پارێزگاى سلێمانى.

 

كه‌ریم عه‌لى، ئه‌ندامى ئه‌نجومه‌نى پارێزگاى سلێمانى ده‌ڵێت: ئه‌و باجانه‌ى كه‌ له‌ به‌ڕێوبه‌رایه‌تى باجى ده‌رامه‌تى گه‌رمیان وه‌رده‌گیرێت، خۆى له‌ چوار جۆر باج ده‌بینێته‌وه‌، ئه‌وانیش باجى: (زه‌ویوزار، پیشه‌ جۆراوجۆره‌كان، كارگه‌كان و ئۆتۆمبێلى بارهه‌ڵگر كه‌ له‌ یه‌ك ته‌ن به‌ره‌و سه‌ره‌وه‌ن).

 

به‌پێى ئه‌و داتایه‌ى ئه‌و ئه‌ندامه‌ى ئه‌نجومه‌نى پارێزگاى سلێمانی له‌میانى راپۆرتێكى یه‌كه‌ى چاودێرى حكومه‌تى خۆجێى گه‌رمیانه‌وه‌ خستویه‌تیه‌ڕو، له‌ سنورى گه‌رمیان بڕی باجی وه‌رگیراو بۆ ساڵى  2020 (6ملیار و 405 میلۆن دینار بوه‌) بۆ ساڵى 2021 (2 ملیار و 793 میلۆن دینار بوه‌) و له‌ 4 مانگى سه‌ره‌تای 2022 دا (1 ملیار و 674 میلۆن دینار بوه‌).