ده‌نگ نێت

 

وه‌زاره‌تى ئاوه‌دانكردنه‌وه‌ى هه‌رێم بریاریدا به‌ دروست كردنى 20 هه‌زار یه‌كه‌ى نیشته‌جێبون بۆ كه‌مده‌رامه‌تان له‌ هه‌رێم، به‌ڕێوبه‌رى وه‌به‌رهێنانى سنوره‌كه‌ش ده‌ڵێت: له‌و رێژه‌یه‌ نزیكه‌ى 1200 شوقه‌ به‌ر گه‌رمیان ده‌كه‌وێت.

 

هونه‌ر مه‌حمود، به‌ڕێوبه‌رى وه‌به‌رهێنانى گه‌رمیان، بۆ رادیۆى ده‌نگ وتى: "میكانیزمێكمان داناوه‌ كه‌ له‌ سه‌ر ژماره‌ى دانیشتوان ئه‌و یه‌كانه‌ دابه‌ش بكرێت، گه‌رمیان %5ـى هه‌رێم پێك ده‌هێنێت، به‌و پێیه‌ش بێت ناوچه‌كه‌ له‌ 800 بۆ 1200 شوقه‌ى به‌رده‌كه‌وێت".

 

وتیشى: یه‌كێكى دیكه‌ له‌ میكانیزمه‌كان فۆرمێكه‌ له‌ رێگه‌ى ئۆنلاینه‌وه‌ پر ده‌كرێته‌وه‌ و هاوڵاتیان ده‌توانن پڕی بكه‌نه‌وه‌.

 

پێشتریش وه‌زاره‌تى ئاوه‌دانكردنه‌وه‌ چه‌ند پرۆژه‌یه‌كى شوقه‌ى بۆ كه‌سانى كه‌مده‌رامه‌ت له‌ كوردستان جێبه‌جێكرد، به‌ڵام ئه‌وانه‌ى گه‌رمیان به‌شى زۆریان ته‌واو نه‌كراون.