ده‌نگ نێت

 

به‌ڕێوبه‌رى نه‌وت و كانزاكانى گه‌رمیان ده‌ڵێت: پار ساڵ زیاتر له‌ 500 ته‌نكه‌ر به‌نزینى نه‌شیاو كه‌ هاتوه‌ته‌ سنوره‌كه، گه‌ڕاندومانه‌ته‌وه‌‌.

 

یادگار فه‌تاح، به‌ڕێوبه‌رى به‌ڕێوبه‌رایه‌تى نه‌وت و كانزاكانى گه‌رمیان، بۆ رادیۆى ده‌نگ وتى: پار ساڵ زیاتر له‌ 500 ته‌نكه‌ر به‌نزین پاش ئه‌نجامدانى پشكنینی تایبه‌ت بۆیان، ده‌ركه‌وتوه‌ نه‌شیاون و به‌پێی پێوه‌ره‌كان نین، بۆیه‌ گه‌ڕاندومانه‌ته‌وه‌.

 

وتیشى: به‌ڵام بۆ ئه‌مساڵ و له‌ ماوه‌ى ئه‌م 4 مانگه‌دا، هیچ بره‌ به‌نزینێكى نه‌شیاو نه‌هاتوه‌ و بیگه‌ڕێنینه‌وه‌.

 

زۆرینه‌ى بانزین و سوته‌مه‌نى سنورى گه‌رمیان له‌ رێگه‌ى مه‌رزی په‌روێزخانه‌وه‌ داخل به‌ سنوره‌كه‌ ده‌بێت.