ده‌نگ نێت

 

بەپێی شیکارییەک داهاتی نەوتی گەرمیان لە ساڵی رابردودا زیاتر بوە لە ٦٥٠ ملیۆن دۆلار.

 

ماڵپەڕی درەومیدیا لە شیکارییەک دا ئەوەی خستوەتەڕو؛ داهاتی ساڵی رابردوی نەوتی گەرمیان  ئەگەر بە (30) هەزار بەرمیلی رۆژانەو  بە نرخی (٥٩) دۆلار هەژماری بکەین، دەکاتە زیاتر لە (1 ملیۆن و ٧٨٠ هەزار) دۆلاری ڕۆژانە.

 

رونیشیدەکاتەوە؛ بەمپێیە بە کۆی ساڵەکە داهاتی نەوتی گەرمیان دەکاتە سەروی (651 ملیۆن) دۆلار، کە ئەمە تەنها داهاتی نەوتی بلۆکی گەرمیانە لە هەردو کێڵگەی گەرمیان لە ناحیەی سەرقەڵا و چیا سورخ لە ناحیەی قۆرەتو.