ده‌نگ نێت

 

نزیکەی 90 دۆنم زەوی لە ناوچەیەکی قەزای کفری سیاج کراوە، بەرپرسی پۆلیسی شارەوانیەکانی گەرمیانیش دەڵێت: چاوەڕێی وەڵامی قایمقامی کفری و کشتوکاڵین لەسە ئەو بابەتە، هەردولاش ئامادەی قسە کردن نین.

 

بەپێی زانیارییەکانی رادیۆی دەنگ، نزیكه‌ى 90 دۆنم زەوی کشتوکاڵی لەو شوێنەی کە به‌ ناوچەی ئاسنەکە لەقەزای کفری ناسراوە، سیاج كراوه‌، به‌بێ ئه‌وه‌ى رون بكرێته‌وه‌. له‌وباره‌وه‌ بەرپرسی پۆلیسی شارەوانیەکانی گەرمیان، ئاکۆ عومەر، بە رادیۆی دەنگی راگەیاند: لەرێگە لیژنەکانمانەوە سەردانی ئەو شوێنەمان کردوە و ئێمە ناتوانین راستەوخۆ ئیجرائات بکەین.

 

وتیشی: هەریەک لەقایمقامی کفری و کشتوکاڵمان لەو بابەتە ئاگادار کردوه‌تەوە کە بزانین مۆڵەتدارە یان نا، چاوەڕێی وەڵامی ئەوانین.

 

رادیۆی دەنگ، بۆ به‌دواداچونى ئه‌و پرسه‌، پەیوەندی بە قایمقامی کفری شەماڵ نامیقه‌وه‌ كرد، به‌ڵام پەیوەندیەکه‌ی بێ وەڵام بو.

 

هاوكات بەڕێوبەری کشتوکاڵی کفری، عه‌لی عه‌باس، له‌ وه‌ڵامى په‌یوه‌ندیه‌كى رادیۆی ده‌نگ دا وتى: "هیچ زانیارییەک لەسەر ئەو بابەتە ناخەمەڕو، وەڵامی نوسراو بەنوسراو ئەدەمەوە".