ده‌نگ نێت

 

به‌ڕێوبه‌رى ڤێته‌ر‌نه‌رى گه‌رمیان ده‌ڵێت: تاوه‌كو ئێستا هیچ بڕه‌ ده‌رمانێكمان بۆ دابین نه‌كراوه‌ بۆ روبه‌ڕوبونه‌وه‌ى نه‌خۆشى تاى خوێنبه‌ربون، له‌ كاتێكدا پێویسته‌ رشاندن بۆ گه‌وڕى ئاژه‌ڵه‌كان بكرێت و ئاژه‌ڵه‌كانیش بشۆردرێنه‌وه‌.

 

د. عوسمان مسته‌فا، به‌ڕێوبه‌رى ڤێته‌رنه‌رى گه‌رمیان، له‌مباره‌یه‌وه‌ بۆ رادیۆى ده‌نگ وتى: "ئێمه‌ تاوه‌كو ئێستا هیچمان بۆ دابین نه‌كراوه‌، له‌ كاتێكدا پێویستمان به‌ هه‌ڵمه‌تێكى رشاندن هه‌یه‌ بۆ گه‌وڕه‌كان و ده‌بێت ئاژه‌ڵه‌كانیش بشۆردرێنه‌وه‌، به‌ڵام تاوه‌كو ئێستا هیچ بره‌ ده‌رمانێك نه‌كڕدراوه‌".

 

وتیشى: به‌نیازى ئه‌وه‌ین حكومه‌ت پاره‌مان بۆ دابین بكات و ده‌رمان بكڕین و ده‌ست به‌و كارانه‌ بكه‌ین.

 

تای خوێنبه‌ربون، نه‌خۆشیه‌كى ڤایرۆسی مه‌ترسیداره‌، له‌ كه‌ركوك و هه‌ولێر و باشور و ناوه‌ڕاستى عێراق چه‌ند حاڵه‌تێك ده‌ستنیشان كراوه‌. نه‌خۆشیه‌كه‌ له‌ ئاژه‌ڵه‌وه‌ ده‌گوازرێته‌وه‌، بۆیه‌ زۆرتر ئه‌وانه‌ مه‌ترسی توشبونیان هه‌یه‌ كه‌ له‌گه‌ڵ ئاژه‌ڵدا به‌ركه‌وتنیان هه‌یه‌.