ده‌نگ نێت

 

ئه‌و كرێكاره‌ى له‌ بیرێكى كه‌لار گیری خواردبو، پاش ده‌رهێنانى بۆ نه‌خۆشخانه‌ گوازرایه‌وه‌ و دۆخی ته‌ندروستیشی جێگیر نیه‌ و بێهۆشه‌ و ئێستا له‌ نه‌خۆشخانه‌یه‌ له‌ژێر چاره‌سه‌ر.

 

رزگار له‌تیف، جێگری به‌ڕێوبه‌رى نه‌خۆشخانه‌ى فریاكه‌وتنى شه‌هید هه‌ژار له‌كه‌لار، به‌ رادیۆی ده‌نگى وت: دواى ئه‌وه‌ى كرێكارێك كه‌ برینداربو له‌ بیرێكى ئاوی كه‌لار هێنرایه‌ نه‌خۆشخانه‌كه‌مان، ستافه‌كه‌مان ده‌ستبه‌جێ به‌ده‌میه‌وه‌ چون و له‌ژێر چاره‌سه‌ردایه‌ و دۆخی ته‌ندروستى جێگیر نیه‌ و بێهۆشه‌.

 

به‌یانى ئه‌مڕۆ دوشه‌مه‌، كرێكارێك له‌كاتى پاككردنه‌وه‌ى بیرێكى ئاو له‌ناو دوكانى سه‌رتاشخانه‌یه‌ك له‌ گه‌ڕه‌كى سه‌ركه‌وتنى كه‌لار، بریندار بو و به‌وهۆیه‌وه‌ گیری خواردبو.

 

به‌وته‌ى لێپرسراوى به‌رگرى شارستانى كه‌لار، ئیبراهیم محه‌مه‌د، كه‌ بۆ رادیۆی ده‌نگ قسه‌ى كرد: چه‌ند كرێكارێك له‌و بیره‌ كاریان كردوه‌، یه‌كێك له‌ كرێكاره‌كان سه‌تڵێكى لێكه‌وتوه‌ و به‌ر سه‌رى كرێكارێكى تر كه‌وتوه‌ و به‌وهۆیه‌وه‌ بوراوه‌ته‌وه‌ و گیری خواردبو له‌ناو بیره‌كه‌.

 

رونیشیكرده‌وه‌: دواى كاركردنى تیمه‌كان به‌هاوكارى كرێكاره‌كان، توانرا ئه‌و كرێكاره‌ ده‌ربهێنرێت و ره‌وانه‌ى نه‌خۆشخانه‌ى فریاكه‌وتن كراوه‌.

 

كرێكاره‌كه‌ ناوى ئه‌حمه‌د غه‌یدانه‌ و ته‌مه‌نى 22 ساڵه‌.