ده‌نگ نێت

 

به‌ڕێوبه‌رى وه‌به‌رهێنانى گه‌رمیان ده‌ڵێت: له‌ ساڵى پاره‌وه‌ 6 پرۆژه‌ى پیشه‌سازیمان بۆ هاتوه‌ 3 له‌و پرۆژانه‌ له‌ قۆناغى جێبه‌جێكردندان.

 

هونه‌ر مه‌حمود، به‌ڕێوبه‌رى وه‌به‌رهێنانى گه‌رمیان، له‌مباره‌یه‌وه‌ بۆ رادیۆى ده‌نگ وتى: "له‌ پار ساڵه‌وه‌ 6 پرۆژه‌ى پیشه‌سازیمان بۆ هاتوه‌، 3 له‌و پرۆژانه‌ له‌ قۆناغى جێبه‌جێكردندان، ئه‌وانیش پرۆژه‌ى كارگه‌ى شیشى ناحیه‌ى سه‌رقه‌ڵا و كارگه‌ى پۆنزا و بلۆك له‌ كه‌لار له‌گه‌ڵ پرۆژه‌ى چپس و مه‌عكه‌رۆنى له‌كه‌لار، كه‌ ئه‌م پرۆژانه‌ بودجه‌كه‌ی دروستكردنیان 50 ملیۆن دۆلاره‌".

 

وتیشى: 3 پرۆژه‌كه‌ى دیكه‌ش له‌ قۆناغى رێكاره‌ ئیدارییه‌كاندایه‌ ئه‌وانیش كارگه‌ى خشتى ئۆتۆماتیك و كارگه‌ى چپسن به‌ گه‌چ له‌ قه‌زاى كفری، له‌گه‌ڵ كارگه‌ى پیشه‌سازى كشتوكاڵیه‌ له‌ ناحیه‌ى رزگارى.