ده‌نگ نێت

 

به‌ڕێوبه‌رى به‌نداوى باوه‌شاسوار له‌ قه‌زاى كفرى ده‌ڵێت: به‌هۆى زۆرى به‌كارهێنانى ئاوى رۆژانه‌ى به‌نداوه‌كه‌ و نه‌بونى سه‌رچاوه‌ى ئاو بۆى، به‌نداوه‌كه‌ مه‌ترسى وشكبونى له‌سه‌ره‌.

 

عه‌زیز كه‌ریم، له‌مباره‌یه‌وه‌ به‌ رادیۆى ده‌نگى راگه‌یاند: "رۆژانه‌ ئه‌و ئاوه‌ى كه‌ به‌كارى ئه‌هێنین له‌ به‌نداوه‌كه‌ نزیكه‌ى 8 ئینجه‌، ئه‌وه‌شى كه‌ ده‌ڕژێته‌ ناو به‌نداوه‌كه‌ له‌ سه‌رچاوه‌ى كانیاوه‌كانى سه‌روى خۆى له‌ 4 ئینج زیاتر تێناپه‌ڕێت".

 

هێماى بۆ ئه‌وه‌شكرد: رێژه‌ى ئاوى هاتو "داهاتى" ئاوه‌كه‌ كه‌متره‌ له‌ خه‌رجیه‌كه‌ى، بۆیه‌ ئاوه‌كه‌ى به‌رده‌وامه‌ له‌ كه‌مبونه‌وه‌ دایه‌، چونكه‌ ئه‌مساڵ بارانى به‌خوڕ نه‌باریوه‌، ئه‌گه‌ر به‌مشێوه‌یه‌ى ئێستاش به‌رده‌وامبێت، ئه‌وه‌ مه‌ترسى وشكبونى له‌سه‌ره‌.

 

 

 

* فۆتۆكه‌ تابلۆیه‌كى شێوه‌كار (گوڵاڵه‌ حه‌مید)ـه‌ كه‌ گوزارشت له‌ وشكبونى به‌نداوى باوه‌شاسوار ده‌كات