ده‌نگ نێت

 

سه‌رله‌به‌یانى ئه‌مڕۆ ئاگر له‌ بانكى كه‌لار "گه‌رمیان" كه‌وته‌وه‌ و له‌لایه‌ن تیمه‌كانى به‌رگرى شارستانیه‌وه‌ كۆنترۆڵ كرا.

 

سه‌رچاوه‌یه‌كى ئاگادار به‌ رادیۆی ده‌نگى وت: سه‌رله‌به‌یانى ئه‌مڕۆ ئۆتۆمبێلی به‌ڕێوبه‌رى بانكى گه‌رمیان له‌ گه‌راجی بینای بانكى كه‌لار "كه‌لار" به‌هۆی كێشه‌ى كاره‌باییه‌وه‌ ئاگرى گرتوه‌ و به‌هۆیه‌وه‌ دوكه‌ڵێكى چڕ ناوچه‌كه‌ى گرتوه‌ته‌وه‌.

 

وتیشی: تیمه‌كانى به‌رگرى شارستانى گه‌شتونه‌ته‌ شوێنى روداوه‌كه‌ و ئاگره‌كه‌یان كۆنترۆڵ كردوه‌.

 

باسی له‌وه‌شكرد: ئاگره‌كه‌ زیانی گیانى لێ نه‌كه‌وتوه‌ته‌وه‌، به‌هۆی ئه‌و روداوه‌شه‌وه‌ ده‌وامى فه‌رمانگه‌كه‌ بۆ ماوه‌ى زیاتر له‌ كاتژمێرێك دواكه‌وتوه‌.

 

بینای بانكى كه‌لار "گه‌رمیان" له‌ نزیك بازاڕى قه‌زاكه‌ و به‌رامبه‌ر بینای قایمقامیه‌تى قه‌زاى كه‌لاره‌.