ده‌نگ نێت

 

دواى ئه‌وه‌ى به‌نزینخانه‌ مۆڵه‌تداره‌كانى سنورى گه‌رمیان سكاڵایان له‌ 55 به‌نزینخانه‌ى بێمۆڵه‌ت كردوه‌ له‌ سنوره‌كه‌، له‌ ئێستادا دۆسیه‌كه‌یان له‌ دادگایه‌.

 

به‌پێى زانیارییه‌كانى رادیۆى ده‌نگ، له‌لایه‌ن ئه‌و به‌نزینخانانه‌ى كه‌ له‌ سنورى گه‌رمیان هه‌ن و مۆڵه‌تیان هه‌یه‌ له‌ به‌ڕێوبه‌رایه‌تى نه‌وت و كانزاكانى گه‌رمیان، سكاڵا تۆماركراوه‌ له‌سه‌ر ئه‌و به‌نزینخانانه‌ى كه‌ مۆڵه‌تیان نیه‌ و ژماره‌یان 55 به‌نزینخانه‌یه‌، هاوكات لیژنه‌ى باڵاى سوته‌مه‌نى له‌ ئیداره‌ى گه‌رمیانیش سكاڵایان تۆماركردوه‌ بۆ ئه‌و مه‌به‌سته‌.

 

به‌ڕێوبه‌رى به‌ڕێوبه‌رایه‌تى نه‌وت و كانزاكنى گه‌رمیان، جه‌خت له‌وه‌ده‌كاته‌وه‌ هێشتا دۆسیه‌كه‌ له‌ دادگایه‌.

 

يادگار فه‌تاح، بۆ رادیۆى ده‌نگ وتى: "دۆسیه‌كه‌یان له‌ دادگایه‌ له‌ ئێستادا و هێشتا یه‌كلا نه‌بوه‌ته‌وه‌".