رادیۆی ده‌نگ
رۆژنامه‌نوسان و چالاكوانانى گه‌رمیان كۆكبون له‌سه‌ر گرنگیی بونى په‌یوه‌ندییه‌كى پته‌و له‌نێوانیاندا، بۆ ئه‌م مه‌به‌سته‌ش چه‌ند بیرۆكه‌یه‌ك پێشنیاز ده‌كه‌ن.
ئه‌مڕۆ (8/4/2026) یه‌كه‌ى رۆژنامه‌وانى مافه‌كانى مرۆڤ له رادیۆی ده‌نگ، له چوارچێوه‌ى پرۆژه‌یه‌كى رادیۆكه‌دا به پاڵشتی سندوقی نیشتمانى بۆ دیموكراسی NED، گفتوگۆیه‌كى له‌نێوان ژماره‌یه‌ك رۆژنامه‌نوس و چالاكواندا رێكخست كه تێكڕا 10 كه‌س به‌شدارییان تێداكرد.
گفتوگۆكه كه له هۆڵی رادیۆی ده‌نگ له كه‌لار به‌ڕێوه‌چو، تایبه‌ت كرابو به قسه‌كردن له‌سه‌ر په‌یوه‌ندیی نێوان چالاكوانانى كۆمه‌ڵی مه‌ده‌نی و رۆژنامه‌نوسان. له‌وباره‌وه به‌شداران باری سه‌رنج و تێبینی خۆیان له‌سه‌ر ئه‌م په‌یوه‌ندییه خسته‌ڕو، ئاماژه‌یان به‌وه‌دا هه‌ندێكجار په‌یوه‌ندییه‌كه باش و گه‌رموگوڕ و هه‌ندێكجاری دیكه‌ش سارد و لاوازه، ئه‌مه سه‌رباری ئه‌وه‌ى هه‌ندێكجاریش په‌یوه‌ندییه‌كه ده‌پچڕێت.
به‌شداران كۆكبون له‌سه‌ر ئه‌وه‌ى گرنگه په‌یوه‌ندییه‌كى دروست و پته‌و له‌نێوان هه‌ردولادا هه‌بێت، هاوكات باسیان له‌و هۆكارانه‌ش كرد كه واده‌كه‌ن ئه‌م په‌یوه‌ندییه دروستنه‌بێت یان لاواز بێت، له‌وانه‌ش: هۆكارى سیاسی، هۆكاری پیشه‌یی، هۆكارى كه‌سیی و ...هتد.
پاشان له‌پێناو بره‌ودان به‌م په‌یوه‌ندییه، چه‌ند پێشنیازێكیان خسته‌ڕو، له‌نمونه‌ى: به‌رده‌وامبونى كۆبونه‌وه و گفتوگۆ له‌نێوان هه‌ردولا، دروستكردنى سه‌كۆ و بۆردى هاوبه‌ش له‌نێوان هه‌ردولا، ئه‌نجامدانى سیمینار و كۆڕ و وۆركشپۆپ و كۆنفرانس بۆ بره‌ودان به‌م په‌یوه‌ندییه و ... هتد.
- دوایین بابەتەکان
-
هەواڵبەڕێوبەرایەتی چاودێریی بازرگانیی گەرمیان: شوێنکارەکان خۆیان نرخی کاڵاکانیان دیاریی دەکەن
-
-
هەواڵسەرۆکی شارەوانی کەلار: ئاوی چەمی سەیدخەلیلمان بەسەر ٢ رێڕەودا دابەشکردوە
-
-
هەواڵهاتوچۆی گەرمیان: کامێرای یەک خاڵی لەسەر رێگای کەلار- کفری زیاد کراوە
-
-
هەواڵشارەزایەکی پەروەردە لە گەرمیان: پێویستە جگەرەکێشانی مامۆستایان لە ناوەندەکانی خوێندن قەدەغەبکرێت
-
-
هەواڵكەمبونەوەی پارەی وردە کێشەی لە بازاڕدا دروستکردوە
-
